تناديني شفاهك واتذكر بالخـفوق إعتاب

هلا ياللي تجـي من حيث ما افتح للهجوس الباب
هلابك مير قربك الزمن وإلا تنحابك

تناديني شفاهك واتذكر بالخـفوق إعتاب
واسوق إلك الطريق وينكسر لي بالرجاء بابك

آجيلك حالتي بين الحياء والخوف وجهن غـاب
واوقف في ملاذ العمر للتاريخ لآ هــدابك

آهد إلك الثواني وأفـتح لقلبي عليك أبواب
ونادمك الجروح وخـاطري لرضاك بترابك

أسمعك القصيد ولا تصدق للقصيد أحباب
تموت أحلى القصائد لا سطع نوري بمحرابك

أنا وشلون أحبك والليالي وجهها كذاب
أنا وشلون أبيعك والليالي كلها أحبا بك

أحبك غصب لا موعد أجل رغبة قلم وكتاب
تعلمت الحروف وأشهد إني بفتح كتابك

بندر الشدادي